දිනක් බෞද්ධ උපාසිකාවක් ජලය රැගෙන ඒමට ගංගාවකට ගමන් කළාය. හිමිදිරි උදෑසන අධික සීතලයෙහි ගැසෙමින් එක තවුසෙකු ජලයෙහි බැසගෙන සිටින ආකාරය එම කාන්තාවට දක්නට ලැබුණේය. "ඔබ ඉතා සීතලේ හිමිදිරි උදෑසන මේ ජලයේ බැස සිටින්නේ කුමකටදැයි" ඇය තවුසාගෙන් විමසුවාය. එවිට තවුසා මෙසේ පැවසීය: "නැගණියනි, ඔබ නොදන්නේද? ජලයේ බැස සිටීමෙන් පව් සෝදා හැරිය හැකිය, කෙලෙසුන්ගෙන් පිරිසිදු විය හැකියි."
එවිට එම කාන්තාව මෙසේ පැවසුවාය: "ඔබ කියන දේ සත්යයක් නම්, ජලයේ නිරන්තරයෙන්ම ජීවත්වෙන කැස්බෑවන්, ඉබ්බන්, මාළුන්, කිඹුලන් වැනි සතුන්ගේ කෙලෙස් නැතුව ඇති නේද? ඔවුන්ගේ කෙලෙස් පිරිසිදු වී ගොස් ඇති නේද?" යනුවෙන් ප්රශ්න කළාය. එවිට තවුසා යථාර්ථය තේරුම් ගත්තේය.