දරුවන්ගේ මුල්ම ගුරුවරු මවුපියෝය. ඇවිදින ආකාරය ද, කතාබහ කරන ආකාරය ද, වැසිකිලි කැසිකිළි යන ආකාරය ද, ඇඳුම් පැළඳුම් අඳින ආකාරය ද, මෙසේ බොහෝ දේවල් අපහට මුලින්ම උගන්වන ලද්දේ මවුපියෝය. හොඳ නරක මුලින් කියා දෙන්නෝ ද මවුපියෝය. එබැවින් මවුපියෝ පූර්වාචාර්ය හෙවත් මුල්ම ගුරුවරු නම් වෙති.
ආහුනෙය්ය ගුණය.
දුර සිටියත් තමා සොයන ධනයෙන් මවුපියන් පෝෂණය කළ යුතුය. දුර සිට ගෙනවිත් දෙන ආහාරපාන, ඇඳුම් පැළඳුම්, බෙහෙත් හේත්, ගෘහ උපකරණ පිදීමට මවුපියෝ සුදුස්සෝය. එබැවින් මවුපියන් ආහුනෙය්ය ගුණයෙන් යුක්තය.
පජාය අනුකම්පක ගුණය.
දරු ප්රජාව වෙත වැඩිපුරම අනුකම්පා කරන්නේ මවුපියෝය. එබැවින් 'පජාය අනුකම්පක' යන නමින් මවුපියෝ හඳුන්වති.