මෙම ලෝකෝත්තර සම්මා සංකප්පය උපදවා ගත් තැනැත්තා මිථ්යා සංකල්පය ප්රහාණය කිරීම පිණිස උත්සාහ කරයි; සම්මා සංකල්පය ලබා ගැනීම පිණිස උත්සාහ කරයි. එම උත්සාහය ඔහුගේ සම්මාවායාමය වෙයි.
ඔහු සතිමත්ව මිථ්යා සංකල්පය දුරලයි; සතිමත්ව සම්මා සංකල්පය උපදවා ගනියි. එය ඔහුට සම්මාසතිය වෙයි.
මෙසේ සම්මා සංකප්පය සහ මිථ්යා සංකප්පය වෙන් කර දැන ගැනීම සම්මාදිට්ඨියයි. සම්මා සංකල්පය සමඟම සහජාත හෙවත් සහ ඉපදීම් වශයෙන් ද, පුරේජාත හෙවත් පෙර ඉපදීම් වශයෙන් ද සම්මාදිට්ඨි, සම්මාවායාම, සම්මාසති යන මාර්ග අංග තුන එක්ව යෙදෙයි, ගමන් කරයි.