තමා මනාකොට පිහිටුවා ගැනීම යනු මේ ලෝකයෙහි ජීවත්වන පුද්ගලයෙකු විසින් තමාගේ ජීවිතය කුසල ධර්මයන් තුළ මැනවින් පිහිටුවා ගැනීමයි. ඒ අනුව:
දුස්සීල වූ තමාගේ ජීවිතය සීලයෙහි පිහිටුවා ගැනීම.
ශ්රද්ධාව නැති තමාගේ ජීවිතය සද්ධාව තුළ පිහිටුවා ගැනීම.
මසුරු වූ තමාගේ ජීවිතය දානය තුළ පිහිටුවා ගැනීම.
ධර්ම ශ්රවණය නොකරන්නා වූ තමාගේ සිත බණ ඇසීමෙහි පිහිටුවා ගැනීම.
ප්රඥාව අඩු තමාගේ සිත ප්රඥා සම්පත්තිය තුළ පිහිටුවා ගැනීම.
මෙසේ තමාගේ ජීවිතය කුසල ධර්මයන් තුළ පිහිටුවාගෙන වාසය කිරීම මෙලොව යහපතටත්, පරලොව සුගතියටත්, නිර්වාණාවබෝධයට උපකාර වන්නා වූත් උතුම් මංගල කාරණාවකි.