කථඤ්ච භික්ඛවේ, අසප්පුරිසෝ අසප්පුරිසදානං දේති: ඉධ භික්ඛවේ, අසප්පුරිසෝ අසක්කච්චං දානං දේති, අසහත්ථා දානං දේති, අචිත්තීකත්වා දානං දේති, අපවිද්ධං දානං දේති, අනාගමනදිට්ඨිකෝ දානං දේති. ඒවං ඛෝ භික්ඛවේ, අසප්පුරිසෝ අසප්පුරිසදානං දේති."
මහණෙනි, කොපමණකින් අසත්පුරුෂයා අසත්පුරුෂ දාන දෙයිද යත්: මහණෙනි, මේ ලෝකයෙහි අසත්පුරුෂයා සකස් නොකොට දන් දෙයි, සියතින් දන් නොදෙයි, ගරු බුහුමන් නැතිව දන් දෙයි, ඉවත ලන දෙයක් සේ දන් දෙයි, මින් විපාක ලැබෙයි යන සම්මා දිට්ඨිය නැතුව දන් දෙයි. මහණෙනි, මෙසේ අසත්පුරුෂයා අසත්පුරුෂ දානය දෙයි.